Ailəm.az-ın “Aparıcı nə aparır?” rubrikasının budəfəki qonağı məşhur xanım teleaparıcı Vüsalə Əlizadədir
Vüsaləni uzun illər bir çox televiziya layihələrində və əksər yerli kanallarımızda görmüşük. Bu gün isə o fəaliyyətini APA TV-də davam etdirir.
- Aparıcı nə aparır?
- Aparıcı ona həvalə olunan verilişi...
- Nəyi aparmaq çətin, nəyi isə asandır?
- Mənim üçün veriliş aparmaq asan, həyat oyununu aparmaq isə çətindir.
- Vüsalə kimi hara aparır?
- Əslində, məndən bəhrələnən, lakin bunu danan həmkarlarımın çoxunu arxamca aparıram...
- Nəyi heç aparmazdınız?
- Şərəfsizliklə yoldaş olub, özümlə heç yerə aparmazdım.
- Sizi istədiyiniz yerə aparan varmı?
- Vaxtı gələndə istədiyim yerə özüm gedəcəyəm! Kimsənin aparmağını gözləmirəm.
- Özünü pis aparanda nə olur?
- Bunu heç kimin görməyi məsləhət deyil.
- Nəyi aparmaq istədiniz, qoymadılar?
- Mənə lazım olanı aparmışam, qalanını da yavaş-yavaş aparıram.
- Səhraya düşsəydiniz özünüzlə nə aparardınız?
- Nəm salfet - təmizlik mənim üçün çox vacibdir. Su - susuzluqdan ölməmək üçün. Və təbii vicdan, hər zaman və hər yerdə lazım olur.
- Kim sizdən kimi apardı?
- Heç kim məndən heç kimi aparmayıb. Özüm göndərmişəm.
- Kim sizdən gedəndə nəyinizi apardı?
- Nəyi aparsalar da, düşünən beynimi və sevən qəlbimi apara bilməzlər. Həyat davam edir!
pia.az
Fotolar
Digərxəbərlər
Populyar xəbərlər
