-1714033690.jpg&h=280&w=360&sc=1&q=100)
Ən populyar messencerlərdən biri olan "WhatsApp"ın tərtibatçıları bildirib ki, hər gün bu xidmətdən 100 milyondan çox zəng həyata keçirilir
PİA.AZ lent.az-a istinadən bildirir ki, bu da saniyədə 1 100 zəng deməkdir.
"Bu, bizim üçün qürurvericidir ki, bu funksiya bu qədər insan üçün faydalı olub. Yaxın aylar ərzində onun işinin keyfiyyətinin artırılmasına da nail olacağıq", - deyə şirkətin yaydığı məlumatda deyilir.
Nəşr qeyd edir ki, "WhatsApp"da zənglərin həyata keçirilməsi imkanları yaranandan bir il sonra messencer zənglərin həcminə görə "Skype"ı qabaqlayıb. Belə ki, hazırda "WhatsApp" messencerinin aktiv istifadəçilərinin sayı 1 milyard nəfəri, "Skype" istifadəçilərin sayı isə 300 milyon nəfər təşkil edir.
"Similar Web" tədqiqat şirkətinin analitikləri tərəfindən aparılan araşdırmanın son nəticələri göstərir ki, "WhatsApp" messenceri "Android" əməliyyat sisteminin istifadəçiləri arasında ən populyar messencerdir.
pia.az
Digərxəbərlər
Populyar xəbərlər
