Rusiyalı politoloq Modest Kolerov bir müddət öncə “Regnum” agentliyindəki analitik yazısında Cənubi Qafqazla bağlı maraqlı və kifayət qədər də təhlükəli proqnozlar yayımlayıb
O, Qarabağın Moskva tərəfindən tanınacağını, Azərbaycanın İranı provokasiyaya çəkəcəyini iddia edib.
Kremlin qeyri-rəsmi sözçüsü kimi tanınan Modest Kolerovun Axar.az-a eksklüziv müsahibəsini təqdim edirik:
- Cənab Kolerov, siz “Regnum” agentliyindəki məqalənizdə Azərbaycanın İranı yaxın gələcəkdə provokasiyaya çəkəcəyini qeyd edirsiniz. Bu iddianızın səbəbi nədir?
- Mən İranda, o cümlədən Azərbaycan əsilli elitada bu hərəkətlərə qarşı münasibətin necə olduğunu bilirəm. Hər şey çox sadədir. Tehranda Bakının Güney Azərbaycanı özünə birləşdirəcəyi barədə xəbərdar edilmiş şəxslər var.
- Siz həm də Qarabağın Rusiya tərəfindən tanınacağını deyirsiniz?
- Mən Rusiya Federasiyanın belə çıxılmaz vəziyyətdə qalacağını demişəm. Səbəb çox sadədir. Hər şey ABŞ-ın başlatdığı Böyük Yaxın Şərq planının necə reallaşacağından asılıdır.
- Ermənistanın da məhv olacağını deyirsiniz...
- Ermənistan o dərəcədə balacadır ki, onun bundan sonra parçalanması və ya məhv olması qəti əhmiyyətli deyil.
- Yox, yiyələnə bilməz. Onun bu dəqiqə əsas vəzifəsi müdafiədir. Amma bu müdafiənin təşkili üçün o Acarıstan və Naxçıvanı tam siyasi nəzarəti altına ala bilər.
- Rusiyanın parçalanması üçün də təhlükənin yaxınlaşdığı proqnozlaşdırılır.
- Mən bilirəm ki, Bakıda bu barədə danışmağı sevirlər. Doğrusu, terrorizmlə müharibə Rusiyada hələ də bitməyib. Rusiyanı hələlik heç bir parçalanma gözləmir.
Digərxəbərlər
Populyar xəbərlər
