Qardaşı intihar edən generala yeni vəzifə verildi

Bakı Şəhər İcra Hakimiyyətinin başçısı Eldar Əzizov təqaüddə olan polis generalına vəzifə verib.

PİA.az “Qaynarinfo”ya istinadən xəbər verir ki, Eldar Əzizovun müvafiq əmri ilə polis general-mayoru Sahib Mirzəyev Bakı Şəhər İcra Hakimiyyətinin başçısının müşaviri təyin olunub.

Qeyd edək ki, polis general-mayoru Sahib Mirzəyev bundan əvvəl Daxili İşlər Nazirliyinin (DİN) Daxili Təhqiqatlar İdarəsinin rəisi olub. O, ötən ilin iyulunda Daxili İşlər naziri, general-polkovnik Vilayət Eyvazovun əmri ilə təqaüdə göndərilib.

Xatırladaq ki, bu il iyulun 9-da general-mayor Sahib Mirzəyevin qardaşı, Binəqədi RPİ 4-cü Polis Şöbəsinin rəisi Rahib Mirzəyev xidməti otağında özünü silahı ilə ürək nahiyəsindən 1 dəfə atəş açmaqla öldürüb.

Fotoda: Rahib Mirzəyev

pia.az