İran 2000 km atış məsafəsinə malik olan qanadlı raketləri hazırlayır. "Mehr" agentliyi xəbər verir ki, bunu İslam İnqilabı Keşikçiləri Korpusunun (SEPAH) komandanı Hüseyn Salami Fars Körfəzi Adalarında və Hörmüz Boğazında SEPAH-ın dəniz birliklərini ziyarət edərkən bildirib.
O vurğulayıb ki, "SEPAH-ın dəniz qüvvələri hər hansı bir təhdidə "sürətli cavab" qabiliyyətinə malikdir" və "düşmənlər İranın hücum və müdafiə gücü ilə barışmalı olacaqlar".
"Müasir elektron müharibə sistemlərindən istifadə edərək, donanmamız Fars Körfəzi və Hörmüz Boğazının ərazininə tam nəzarət edə bilir", - o əlavə edib.
Salami, SEPAH Donanmasının son üç ildə müasir gəmilərin, pilotsuz təyyarələrin və dənizdən idarə olunan raketlərin istehsalında əhəmiyyətli irəliləyiş əldə etdiyini söyləyib və bildirib ki, bütün sadalanan texnika İran istehsalıdır.
"Hərəkətdə olan gəmiləri vura bilən 2000 kilometr atış məsafəsinə malik dəniz qanadlı raketlər də yaxın gələcəkdə IRGC Donanması üçün hazırlanacaq", - o deyib.
"İstənilən ssenariyə hazırıq və bu gün bu hazırlığın bir hissəsini Fars körfəzi sahillərində görmək olar", - o əlavə edib. (virtualaz.org)
pia.az
Digərxəbərlər
Populyar xəbərlər
