Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

DYP sürücülərə müraciət edib

"Nasaz avtomobil ən diqqətli və səriştəli sürücünü belə cinayət məsuliyyətinə cəlb etdirə bilər. Bunu hamı bilməlidir!"

Bunu Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib.

O bildirib ki, yol hərəkəti təhlükəsizliyi məsələləri hər bir kəsin maraq dairəsindədir: “Çünki hamımız bu sistemin bir parçasıyıq, bir hissəmiz sürücü, digərlərimiz piyada, sərnişin və sair anlayışlarda hərəkətin iştirakçısıyıq. Sürücü üçün isə “Yol hərəkəti haqqında" qanununda digərlərindən fərqli olaraq, daha ciddi məsuliyyətlər müəyyən edib. Cəmiyyətin baş vermiş yol-nəqliyyat hadisələrinə münasibətdə “niyə bizdə sürücülər daha çox təqsirlidir” sualınında elə açıq cavabı “Yol hərəkəti haqqında" qanunun 36 və 37-ci maddələrinə baxsaq təfsilatı ilə başa düşəcəyik. Qanunda sürücüdən baş verən yol-nəqliyyat hadisəsindən yayınmaq üçün maksimum imkanlarını səfərbər edib yayınmalıdır kimi tələbinin olması sonrakı istintaq proseslərində bir çox sualların cavablandırılmasını tələb edir. Çünki bu tələb daha sonra hadisənin nəticəsindən (yəni xəsarətin az ağır və ya ağır dərəcəsi, eləcə də ölümlə nəticələnən yol nəqliyyat hadisələrində başlanılan cinayət işlərində) asılı olaraq prosessual şəxsin əsas suallardan birinə çevrilir.

Baş vermiş hadisənin səbəb-nəticə əlaqəsi müəyyən edildikdə “Yol hərəkəti haqqında" qanunun hansı tələbinin pozulması mütləq öyrənilir və sübutların qiymətləndirilməsində bu məsələ həlledici rol oynayır. Məsələni daha aydın formada mahiyyəti üzrə bilmək üçün belə izah edək. Deyək ki, sürücü baş verə biləcək hadisəyə adekvat reaksiya verdi və vaxtında “Yol Hərəkəti Haqqında Qanun”un tələblərinə uyğun hərəkət etdi və beləliklə də hadisənin qarşısını almaq üçün bütün lazımi zəruri addımları atdı, lakin hadisənin qarşısını misal üçün əyləc sistemindəki nasazlıq ucbatından ala bilmədi. Səbəb kimi isə avtomobilinə avto-texniki ekspertizanın rəyi ilə texniki nasazlığın olması kimi ciddi sübutu təsdiq edən rəyin əlavə edilməsi oldu. Bu zaman sürücünün məsuliyyətsizliyi isə artıq “Yol Hərəkəti Haqqında Qanun”un 1 sayılı əlavəsində göstərilən nasazlıqların siyahısı üzrə müəyyən edilir. Sürücünün vaxtında aradan qaldırılmadığı texniki problemlərə görə məsuliyyət daşıyacağını isə bəzi sürücülərimiz hələ də mahiyyəti üzrə qiymətləndirmir. Bizim mütəmadi şəkildə etdiyimiz çağırışlara etinatsızlıq edən, DYP əməkdaşları tərəfindən aşkarlanan nöqsanlara müxtəlif bəhanələr gətirməklə qanunsuz hərəkətlərinə haqq qazandırmağa çalışanlarda xidmət zamanı ara-sıra rast gəlirik və bu reallığı onlara elə yolda da izah edirik”.

Araz Əsgərli

“Bir sözlə hər bir sürücümüz bilməlidir ki, nasaz avtomobillə törədilən qəza onu hər bir halda haqsız vəziyyətə salacaq. Buna görə də bütün sürücülər nəzər almalıdır ki, nasaz avtomobil ən diqqətli və səriştəli sürücünü belə cinayət məsuliyyətinə cəlb etdirə bilər. Bu, sadə reallığı isə bilmək birmənalı faydalıdır!

Yol hərəkəti təhlükəsizliyi məsələləri hər bir kəsin maraq dairəsindədir. Fürsətdən istifadə edib qış fəslinin texniki tələblərini nəzərə alıb mövsümi hazırlıqları, eləcə də avtomobilə gündəlik texniki qulluq etmək kimi ciddi məsuliyyətli tələbi diqqətdən kənar saxlamamağıda xahiş edirik. Taleyimizi dəyişdirə biləcək yalnışları qəzalardan öncə inzibati xəta kimi aşkarlayan Dövlət Yol Polisi əməkdaşlarına bəzən yersiz aqressiya göstərmək əvəzinə qanun və qaydaların mahiyyətini dərk etməklə gələcəkdə daha ağır məsuliyyətlərdən sığortalanmaq üçün əməl etməyi də vacib hesab edirik. Bir çox hallarda cərimə ödəməklə şəxs məsuliyyət hissini dərk edir və eyni növ xətanı etməməklə şüurlu şəkildə seçimini edir. Bəzən isə cərimə ödəmək belə insana qismət olmur. Hər kəsdən xahiş edirik ki, yollarda özümüzü və ətrafımızdakıları qorumaq üçün məsuliyyət hissini unutmayaq!”, - o vurğulayıb.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

Azərbaycanda polkovnik-leytenant vəfat etdi - Foto

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Bakıda və üç rayonda qazın verilişində məhdudiyyət olacaq

Binə qəbiristanlığında çayxana tikilir? - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Azneft”in baş direktoru vəzifəsindən azad edildi - Yeni təyinat

Ən çox oxunanalar