NATO-nun baş katibi Yens Stoltenberq NATO Cavab Qüvvələrinin əsgərlərinin sayını 300 mindən çox artırmaq üçün işləri gələn ilə qədər hazır vəziyyətə gətirməyi planlaşdırdıqlarını bildirib.
Bunu İspaniyanın paytaxtı Madriddə keçirilən NATO Sammiti zamanı mətbuat konfransı keçirən NATO -nun baş katibi Yens Stoltenberq deyib:
“Biz NATO Cavab Qüvvələrinin sayının 300 mindən çox artırılmasını əhatə edən işi gələn ilə qədər hazır etməyi planlaşdırırıq. Yüksək hazırlıqlı birliklərdən ibarət NATO Cavab Qüvvələrinin əsgərlərinin sayının 40 mindən 300 minə çatdırılması planlarının müttəfiq ölkələrin bu qüvvəyə müxtəlif ölçülərdə töhfə verəcəyini bildirib. Bu qüvvələrin əsas hissəsi öz ölkələrində yerləşdiriləcək", - Stoltenberq bildirib.
Müttəfiq ölkələrin NATO daxilində bu bölmələri uyğunlaşdıracağını deyən Stoltenberq onların da hazırlıqlarının artırılacağını bildirib:
"Bu qüvvələrin bir hissəsi (lazım olduqda) ilk 10 gündə, digər hissəsi isə 30 gün ərzində hazır olacaq. Bu iki diviziyanın ümumi sayı 300 mindən çox hərbçidir. Planımız onları gələn ilə qədər hazır vəziyyətə gətirməkdir", - deyə Stoltenberq qeyd edib.
Müttəfiqlərin bu qüvvə ilə bağlı öhdəliklərinə əməl edəcəklərini ifadə edən Stoltenberq, öz ölkələrində gözləyəcək qüvvələrin konkret bölgələr üçün əvvəlcədən müəyyən edilmiş missiya yerləri olacağını vurğulayıb.
pia.az
Digərxəbərlər
Populyar xəbərlər
