Çərşənbə axşamı, 16 Avqust 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Pikenin dərdi var, Pike xəstədir...

Etibar Cəbrayıloğlu yazır...

Pikeni kim tanımır ki? Dünyaca məşhur adamdı. Futbolçu kimi həm “Barselona” klubunda, həm də İspaniya millisinin heyətində qazandığı titulları, medalları, üstəlik də tər töküb aldığı pulları hesablasam, bu istidə gərək siz də, mən də xeyli vaxt itirək.

Həqiqətən də bu Jerar şanslı birisidir. Hər halda 10-15 gün öncəyə qədər belə idi. Təkcə Avropanın deyil, bütün dünyanın ən güclü klublarından sayılan “Barselona”da oynayırdı, qol vururdu, qələbə qazanırdı. Axşamlar da evə qayıdan kimi bütün dünyanın gözəl müğənnilərindən biri hesab olunan Şakira bir gün ona bozbaş, bir gün kələpur, bir gün lərgə plov bişirirdi. Arada da üç bacı dolmasını qoyurdu masanın üstünə. Hələ qara kürünü, qoz-fındığı, əncir mürəbbəsini demirəm. 2 övladına da gül kimi baxırdı. Yaşa da zalım balası...

Şakira ilə aralarından su keçmirdi, amma indi deyəsən, yekə bir qara pişik keçib. Pike bir balaca “levi” gedib, Şakira da deyib ki, iti görüm, qurdu görüm, Jerarı görməyim. Boşanma davası açıb, iş düşüb məhkəməyə. İki məşhur ər-arvadın mübahisəsində arbitr olmaq istəməzdim, bəlkə də sizli-bizli bilmədiyimiz çox şeylər var. Lakin Pikeni Şakiranın ayağına vermək kimi bir istəyim də yoxdur, ürəyimdə onun tərəfindəyəm. Öz aramızdı, bu həyatda hamımızın səhvi, yanlış addımı olub da...

Özüm görməmişəm, amma görənlər deyir ki, Pike xəstələnib, Şakiranın küsüb getməsi ona yaman pis təsir edib. Futbolçunun mədə-bağırsağı bir yana, beyni də pozulub. Şakiraya hədə dolu mesajlar göndərir, yazır ki, barışmasan gününü qara edərəm. Yazıq nə etsin, kələpur hara, lahmacun hara? Toyuq dönəri üç bacı dolmasının yerini verərmi heç? Lərgə plova öyrəşən adam nə qədər paştet yeyər axı? Jerara ürəyim ağrıyır. Şakira iki ayağını bir başmağa geyinib məhkəmə davasından geri çəkilməsə Pikenin durumu lap ağır olacaq, məhkəmə prosesinə qədər iş uzansa Şakira açacaq sandığı, tökəcək pambığı. Üstəlik də təzminat-filan, əmlak bölgüsü.

Vallahi Pikeyə ürəyim də ağrıyır, hansı bir yollasa ona kömək etmək, dəstək olmaq istəyirəm. Kişinin başına iş gələr də. İspaniyada Valeh adında bir dostum var, neçə illər öncə Lerikdən köçüb oralara. Özünə, ailəsinə yaxşı düzən qurub, oğlu da peşəkar futbolla məşğuldur. Fikrim var ki, Valehi qoşum bu məsələyə, Pike ilə Şakiranı barışdırsın. Bu çətin məsələyə gücü çatmasa tərəfləri heç olmasa məhkəmə davasından vaz keçməyə razı salsın. Ən yaxşısı isə əl-ələ tutub bizim TV-lərə çıxmaqdı. Telekanallarımızın işinin adı nədir ki? Bütün günü efirdə ya evləndirirlər, ya da elə edirlər ki, ailələr gülə-gülə, oynaya-oynaya dağılır. Qoy Pike Şakira ilə ilboyu evlənib boşansınlar, boşanıb evlənsinlər.

Telefon nömrəmi verəcəm Valehə ki Jerara çatdırsın. Həm də planım barədə onun qulağına bir şeylər pıçıldasın ki, hazırlıqlı olsun. Bizim TV-lərə çıxmaq “Barselona”da top qovmaq deyil e...

Əsas məsələ az qala tamam yadımdan çıxmışdı, qoy Pike Şakira ilə Bakıya sentyabrın əvvəllərində, telekanallarımız yeni mövsümə start verəndə gəlsinlər. İndi tamaşaçılarımız istirahətin dadını çıxarır, dənizdə üzən kim, meşədə dincələn kim.

Sentyabrda bizim kanallarda Pikeni Şakiranın qarşısında diz çöküb gildir-gildir ağlayan görsəniz təəccüblənməyin. TV-lərimiz yeni mövsümdə maraqlı olacaq...

pia.az


Etiket:


Digərxəbərlər

Ağdamın icra başçısının mədəni halı: Vaqif Həsənov daha bir şəhid bacısını edib... - Video

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Generalın köməkçisi intim videoları hansı məqsədlə çəkib?

Ağsaqqal deputatdan şok açıqlama: “Ola bilsin, FHN əməkdaşlarının bir-birilərinə məhəbbətləri olub”

Generalın müavinləri kimlərdir? - Deputatın qardaşı, Mehdiyevin qohumu...

FHN-dəki intim qalmaqal: videodakı xanımla bağlı məlumatlar

Coşqun Əhmədzadə öz istəyi ilə vəzifədən getmək istəyir - Sumqayıt Gömrüyündə yoxlamalar...

Göyçayda dərəyə düşən qadın və kişi xilas olunub - Yenilənib

Rusiya MN Krımda baş verən partlayışı diversiya adlandırıb - Yenilənib

Şahdağ Milli Parkında yanğın nəzarətə götürülüb  - Yenilənib, Video

Ən çox oxunanalar