Dağlıq Qarabağın Azərbaycanlı İcması İctimai Birliyi öz fəaliyyətini dayandırır. Bu barədə PİA.az-a İctimai Birlyin sədri Tural Gəncəliyevin yaxın ətrafından məlumat verilib.
Qeyd edilir ki, hazırda İctimai Birlikdə təhvil-təslim prosesi keçirilir və paralel olaraq İctimai Birliyin ofisi boşaldılır.
Xatırladaq ki, Azərbaycan Respublikası Dağlıq Qarabağ bölgəsinin azərbaycanlı icması 1992-ci il martın 24-də ATƏM-in Nazirlər Şurasının Helsinkidə keçirilən birinci əlavə görüşündə imzalanmış sənədin 9-cu bəndinə əsasən yaradılmışdı. Bir qayda olatraq bu icmaya Şuşa şəhərinin icra başçısı rəhbərlik edib. İctimai Birliyin 20 dekabr 2018-ci il tarixində keçirilmiş qurultayının qərarı ilə icmanın yeni sədri Xarici İşlər Nazirinin əməkdaşı Tural Gəncəliyev seçilib. Elə həmin ildə də Xankəndi seçki dairəsindən Milli Məclisə seçilib.
Qeyd edək ki, Dağlıq Qarabağın Azərbaycanlı İcması İctimai Birliyinin buraxılması ilə bağlı PİA.az-ın əməkdaşı Tural Gəncəliyevlə əlaqə saxlamağa çalışıb. Lakin aradığımız nömrə bağlı olub. Bütün hallarda İctimai Birlyin mövqeyini dərc etməyə hazırıq.
pia.az