Böyük Britaniyada bir gün ərzində 27 məmur hökuməti tərk edib.
“Report” TASS-a istinadən bildirir ki, bu barədə yerli nəşrlər yazıb.
“Daily Mail”in məlumatına görə, indi hətta yüksək vəzifəli nazirlər də Boris Consondan könüllü istefa verməsini xahiş edirlər.
“The Daily Telegraph” qəzeti isə yazır ki, çərşənbə günü axşam Baş nazirə etimadla bağlı ikinci səsvermə keçirilə bilər. Günün sonunda hakim Mühafizəkarlar Partiyasından olan yerli millət vəkillərini bir araya gətirən 1922-ci il parlament komitəsinin Consona yeni etimad səsverməsinə imkan vermək üçün partiya qaydalarının dəyişdirilməsini müzakirə edəcəyi gözlənilir. 1922-ci il komitəsinin üzvlərindən biri “Reuters" agentliyinə deyib: "Oyun başa çatdı. Nazirlər Kabineti Consona qarşı çıxmalıdır".
Britaniyalı siyasi şərhçilərin fikrincə, Nazirlər Kabinetinin başçısının indiki şəraitdə postunu saxlaması getdikcə çətinləşəcək.
pia.az
Digərxəbərlər
Populyar xəbərlər
