Azad Cəfərli Nardaran Tarix-Mədəniyyət Qoruğunun fəaliyyəti ilə tanış olub...
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Azad Cəfərli Nardaran Tarix-Mədəniyyət Qoruğunun fəaliyyəti ilə tanış olub.
Bu barədə PİA.az-a Dövlət Xidmətindən məlumat verilib.
Bildirilib ki, qoruq əməkdaşları ilə keçirilən görüşdə qoruğun işinin müasir tələbləri səviyyəsində qurulması, burada yerləşən abidələrin təbliği, təşviqat işləri ilə bağlı tapşırıq və tövsiyələrini verib.
22 tarix-mədəniyyət abidəsinin yerləşdiyi qoruq ərazisindəki tarixi abidələrin hazırki vəziyyəti ilə maraqlanan xidmət rəisi Nardaran qəsri, Xan bağının köşkü və karvansara ilə bağlı lazımi göstərişlər verib.
Azad Cəfərli həmçinin, Xəzər rayonu, Dübəndi qəsəbəsinin Xəzərsahili ərazisində yerləşən, üzərində qayaüstü təsvirlər olan “Mağara” abidəsinə baxış keçirib.
Xidmət rəisi e.ə IV-I minilliyə aid olan “Mağara” abidəsinə kənar müdaxilələrin qarşısının alınması və qorunması ilə bağlı göstəriş verib.
Fotolar
pia.az
Digərxəbərlər
Populyar xəbərlər
