Ata və ananın “kislota”lı əski ilə yandırdıqları qadının vəziyyəti açıqlandı

Bakı şəhərində ata və ananın “kislota”lı əski ilə yandırdıqları qızlarının vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, 1976-cı il təvəllüdlü şəxs sentyabrın 26-sı, saat 10:20-də Kliniki Tibbi Mərkəzin Toksikologiya Şöbəsinə daxil olub:

“Kəskin, qeyri-üzvi turşu ilə zəhərlənmə, ağız boşluğunun yanığı, qida borusunun yanığı diaqnozu qoyulub. Hal-hazırda xəstənin vəziyyəti ağır olaraq qalır”.

Qeyd edək ki, Bakıda ata və ana birləşib qızlarını “kislota”lı əski ilə yandırıblar. Buna səbəb kimi xanımın valideynləri ilə arasında mülk davasının olduğu göstərilir.

pia.az