Türkiyənin Suriyanın şimalında yeni quru əməliyyatına hazırlaşdığı dövrdə İsrail mətbuatından diqqətçəkən bir analiz gəlib...
PİA.az Türkiyə mətbuatına istinadən xəbər verir ki, sabiq İsrailin əsgəri Zvi Bar “Haaretz” qəzetindəki köşə yazısında Suriya əməliyyatının qaçılmaz olduğunu və heç kimin Türkiyənin qarşısına maneə yarada bilməyəcəyini yazıb.
Türkiyə Suriya və İraqda “Pəncə-Qılınc” əməliyyatını uğurla həyata keçirdikdən sonra prezident Ərdoğan verdiyi açıqlamalarla yeni quru əməliyyatına işarə edib. İsrail mətbuatı mümkün əməliyyatla bağlı bir təhlil yazısı yayımlayıb.
Ukraynanın Türkiyəyə qarşı müharibəsi, Finlandiya və İsveçin NATO-ya üzvlük prosesi səbəbiylə Rusiyanın əlinin zəiflədiyini ifadə edən Bar oxşar vəziyyətin ABŞ administrasiyasında da yaşandığını vurğulayıb:
“Ərdoğan Suriyada əməliyyat aparmağa qərar versə, Rusiyanın buna mane olub-olmayacağı şübhəlidir. Daha mürəkkəb dilemma isə ABŞ-da olacaq. Bayden Türkiyəyə yeni F-16 təyyarələrinin satışı üçün ən həvəsli lobbiçiyə çevrilib”.
Prezidentin əməliyyat mesajı
Digər tərəfdən Prezident Ərdoğan: “Qəhrəmanlar can verər ölkəni yaşatmaq üçün, millətimizin və dövlətimizin varlığı, dinc və güclü gələcəyimiz üçün canlarını fəda edən bütün qəhrəmanlarımızı minnətdarlıqla yad edirik. Ümid edirəm ki, bu əməliyyatlarla addım-addım, ölkəmizin hüdudlarının kənarından başlayaraq, hər qarışı ilə onu təhlükəsiz hala gətirməkdə qərarlıyıq”, deyib.
pia.az