Qerman Qref yaxın zamanlarda Kudrinin yolu ilə gedəcək və “Sberbank”ın rəhbərliyindən uzaqlaşacaq…
Rusiyanın ən böyük bankı olan “Sberbank”ın rəhbəri Qerman Qref yəqin ki, yaxın zamanda dostu və həmfikir olduğu Alksey Kudrin kimi Putinin komandasını tərk edəcək.
PİA.az xəbər verir ki, belə bir iddia ilə “Rusbrief” Teleqram kanalı çıxış edib.
Qrefin yaxın ətrafından kanala bildirblər ki, artıq Qref bir neçə dəfə istafası ilə bağlı müraciət edib, lakin hər dəfə rədd cavabı alıb.
Mənbələr bildirib ki, buna baxmayaraq, Qref öz komandasına siqnal verib ki, artıq öz talelərini özləri həll etsinlər.
Hazırda isə Kremldə “Sberbank”ın rəhbərliyinə gətiriləcək bir neçə mümkün namizəd üzərində müzakirə aparıldığı qeyd olunur.
Qeyd edək ki, Andrey Kudrin və Qerman Qref Putinin komandasında “texnokrat düşərgə”nin liderləri hesab olunurlar. Yüksək peşəkarlıqları ilə seçilən bu kadrlar, “Qazprom”un prezidenti Aleksey Miller və digər çoxsaylı fiqurlar kimi, Rusiya hakimiyyətində çox böyük ağırlığı olan “Sant Peterburq klanı”na aiddirlər.
pia.az