Rusiyalı milyarder Yevgeni Priqojin ABŞ Konqresinin “Vaqner” Özəl Hərbi Şirkətini terror təşkilatı kimi tanımaq niyyəti ilə bağlı məlumatı şərh edib...
PİA.az xəbər verir ki, “Vedomosti” qəzetinə danışan Priqojinin sözlərinə görə, “Vaqner” qrupunun fəaliyyətinin terror təşkilatı kimi təsnif edilməsi doğru deyil.
“Bir təşkilatın terror təşkilatı kimi təsnif edilməsi meyarları ABŞ qnunvericiliyində təsbit olunub. Terrorçunun kim olduğu həmin qanunun üç maddəsində və 9 bəndində ətraflı təsvir edilib. “Vaqner” Özəl Hərbi Şirkətinin fəaliyyəti bu meyarların heç birinə uyğundeyil”, deyə milyarder bildirib. Həmçinin Priqojin vurğulayıb ki, ABŞ-ın fəaliyyəti bu meyarlara tam uyğundur.
Qeyd edək ki, bir neçə gün əvvəl ABŞ-ın və Avropa Birliyinin “Vaqner” Özəl Hərbi Şirkətini terror təşkilatı qlan etmələri ilə bağlı məlumat yayılıb.
Priqojinin muzdlu əsgərlərdən ibarət olan “Vaqner” Özəl Hərbi Şirkəti Suriyada, Mərkəzi Afrikada, Liviyada və Ukraynada hərbi əməliyyatlarda iştirak edib. Hazırda isə Priqojinin Rusiya həbsxanalarından muzdlu əsgər toplayatraq, onları Ukrayna müharibəsinə yollaması ilə bağlı çox saylı məlumatlar yayılıb.
pia.az
Digərxəbərlər
Populyar xəbərlər
