Yaponiya Milli Komandası Dohada növbəti mərhələyə keçməklə 29 il əvvəlki “faciə”ni sevincə çevirdi...
PİA.az Türkiyə mətbuatına istinadən xəbər verir ki, 1993-cü ildə Qətərdə keçirilən son seçmə matçında İraqla 2:2 hesabı heç-heçə etdikdən sonra 1994 FIFA Dünya Kubokuna getmək hüququnu itirən Yaponiya Milli Futbol Komandası 2022 FIFA Dünya Kubokunda qrup liderliyini tamamlayıb və bununla da 29 il əvvəl Dohada yaşanan “faciə”ni sonlandırıb.
Qətərin ev sahibliyi etdiyi FİFA 2022 Dünya Çempionatının E qrupunun son oyununda Asiya yığması İspaniya ilə üz-üzə gəlib. Avropalı rəqibi üzərində 2-1 hesabı ilə üstün olan Yaponiya bu nəticə ilə ikinci qələbəsini qazanıb və E qrupunu 6 xalla lider kimi başa vurub.
Qrup mərhələsində əvvəlcə Almaniyanı, sonra isə İspaniyanı məğlub edən Yaponiya yığması bununla da növbəti mərhələyə adını yazdırıb.
Yapon xalqı sevinir
Kolleksiyasında Dünya Kuboku olan hər iki komandanı məğlub edərək tur vəsiqəsini qazanan Yaponiya Milli Futbol Komandası xalqına böyük sevinc bəxş edib.
1993-cü ildəki oyunda Yaponiya son dəqiqə qolu ilə mübarizədən kənarlaşdırılarkən, yapon xalqı bu məğlubiyyəti “Doha faciəsi” kimi qiymətləndirmişdi. Qətərdə əldə edilən uğurlarla Yaponiya cəmiyyəti bu faciənin bitdiyini düşünür.
pia.az
Digərxəbərlər
Populyar xəbərlər
