Rejissor Mett Rivz “The Batman” filminin davamı üzərində işlədiyini təsdiqləyib...
PİA.az Türkiyə mətbuatına istinadən xəbər verir ki, Cloverfield filminin 15-ci ildönümü üçün Collider-ə danışan Rivz DC-nin “sinematik kainat” yaratmasının onun Qotham şəhəri haqqında ssenari yazmağa davam etməsinə maneə olmadığını söyləyib.
Rivz “The Batman” filmində Brus Veyn və “Qara Cəngavər” rollarını oynayan Robert Pattinsonla işləməkdən məmnun olduğunu, çünki onun çox xüsusi bir insan və aktyor olduğunu bildirib.
Rivz “Bu il film çəkəcəksinizmi?” sualına belə cavab verib:
“Mən buna birbaşa cavab verməyəcəyəm, amma biz film üzərində işləyirik. Mən və ortağım Matson Tomlin bunun böyük bir hissəsini yazmışıq. Çox həyəcan vericidir”.
Qeyd edək ki, “The Batman” filmi dünya miqyasında 770 milyon dollardan çox gəlir əldə edib.
pia.az