Bildirilir ki, Pakistanda milli şəbəkənin dağılmasından sonra 3 ayda ikinci dəfə on milyonlarla insan işıqsız qalıb...
PİA.az Reuters-ə istinadən xəbər verir ki, Pakistanın Energetika Nazirliyinin bəyanatına görə, ölkənin böyük bir hissəsi Cəmşoro və Dadu şəhərləri arasında cərəyanın dəyişməsindən təsirlənib.
Energetika naziri Xürrəm Dəstgir Geo Tv-yə açıqlamasında: “Gərginlik yüksəldi və sistemlər bir-bir bağlandı. Bu, böyük böhran deyil”, deyib.
Reuters bildirib ki, şəbəkədəki problem nəticəsində bazar ertəsi ölkənin müxtəlif yerlərində fabriklər, xəstəxanalar və məktəblər işıqsız qalıb.
2 milyondan çox əhalisi olan Pişəvərdə bəzi təsərrüfatlarda su nasosları elektrik enerjisi ilə işlədiyi üçün ailələrin saatlarla susuz qaldığı bildirilib. Ölkənin digər böyük şəhərləri İslamabad və Kəraçidə də işıqların kəsilməsi qeydə alınıb.
Qeyd edək ki, oktyabr ayında milli şəbəkədə yaranan problemdən sonra Pakistanda saatlarla elektrik kəsilməsi baş vermişdi.
pia.az
Digərxəbərlər
Populyar xəbərlər
