Çərşənbə axşamı, 07 Fevral 2023
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Gərginləşən Türkiyə-İsveç münasibətləri... - NATO-da qarşıdurma yarana bilər?

Ərdoğan bildirib ki, İsveç artıq NATO-daxil olmaq üçün Türkiyənin dəstəyinə nail ola bilməyəcək...

Politoloq: “Türkiyə və İsveçrə hökumətləri arasında münasibətləri korlamaq və Ankaranın bu məsələdə imtinasına nail olmaq istəyirlər ki, həm ABŞ, həm də NATO səviyyəsində Türkiyəyə qarşı təzyiq bəhanələri yaratsınlar”.

“Türkiyə israrlı şəkildə istədiklərini Stokholmdan almadan İsveçə bu yöndə dəstək verilməyəcək”.

Bu sözləri politoloq Natiq Miri Türkiyə-NATO münasibətlərini PİA.az-a şərh edərkən qeyd edib.

Dünən Ərdoğan bildirib ki, İsveç artıq NATO-daxil olmaq üçün Türkiyənin dəstəyinə nail ola bilməyəcək. Eyni zamanda ABŞ Dövlət Departamentindən də dünən bildiriblər ki, Türkiyənin mövqeyinə baxmayaraq İsveç NATO-ya qəbul ediləcək.

Yaranmış bu durumu necə şərh etmək olar? Türkiyənin NATO-da təklənməsinə və təşkilat daxilində qarşıdurmanın böyüməsinə ehtimal vermək olar?

NATO daxilində baş verənləri PİA.az-ın əməkdaşı Milli Strateji Təhqiqatlar Mərkəzinin sədri Natiq Miri ilə müzakirə edib.

Natiq Miri: “Bu da əlbəttə ki, NATO çərçivəsində müəyyən problemlər, eyni zamanda ABŞ-ın bilvasitə NATO-nun genişlənməsi siyasətinə problemlər yaradır”.

Finlandiyanın İsveçdən ayrı şəkildə NATO-ya daxil ola bilməsini və Türkiyə də bunu öz parlamentində təsdiq edə bilməsini vurğulayan politoloq PİA.az-a bildirib ki, belə bir ehtimal gözlənilir:

“Əslində bu, Türkiyəyə qarşı təzyiq mexanizmlərinin yaradılmasına hesablanıb. Bununla da Türkiyə və İsveçrə hökumətləri arasında münasibətləri korlamaq və Ankaranın bu məsələdə imtinasına nail olmaq istəyirlər ki, həm ABŞ, həm də NATO səviyyəsində Türkiyəyə qarşı təzyiq bəhanələri yaratsınlar. Ancaq Türkiyə bunu anlamamış deyil.

Düşünürəm ki, Türkiyə israrlı şəkildə istədiklərini Sktokholmdan almadan İsveçə bu yöndə dəstək verilməyəcək. Ola bilsin ki, istisna olsun. Yəni Finlandiya İsveçdən ayrı şəkildə NATO-ya daxil ola bilsin və Türkiyə də bunu öz parlamentində təsdiq etsin. Belə bir ehtimal gözlənilir. Amma düşünmürəm ki, yaxın zaman çərçivəsində və Ərdoğanın istədikləri Türkiyəyə İsveç tərəfindən verilmədən Ankara İsveçin NATO-ya qəbul olunmasını parlamentdə təsdiq etsin. Bu olmayacaq.

Natiq Miri: “Konkret olaraq NATO-nun Türkiyə ilə bağlı hərəkətə keçəcəyini, yaxud da Türkiyənin NATO-dan çıxarılması kimi prosesin inkişaf edəcəyini gözləmirəm”.

Bu da əlbəttə ki, NATO çərçivəsində müəyyən problemlər, eyni zamanda ABŞ-ın bilvasitə NATO-nun genişlənməsi siyasətinə problemlər yaradır. Ancaq konkret olaraq NATO-nun Türkiyə ilə bağlı hərəkətə keçəcəyini, yaxud da Türkiyənin NATO-dan çıxarılması kimi prosesin inkişaf edəcəyini gözləmirəm. Çünki bu gün Türkiyə NATO üçün vazkeçilməz bir ölkədir. Türkiyə NATO-nun bəlkə də döyüşən ən böyük ikinci ölkəsidir. Baxmayaraq ki, rəqəmlər baxımından Türkiyəni 5-ci ölkə deyirlər. Ancaq düşünürəm ki, Türkiyə döyüşən və bu gün hərbi cəhətdən güclü, inkişaf edən bir NATO ölkəsi kimi Şimal Alyansı üçün vazkeçilməz bir ölkədir.

Buna görə də bütün bu məsələlər diqqətə alınaraq Türkiyənin NATO-dan çıxarılması kimi məsələyə qədər prosesin inkişaf edəcəyini mən gözləmirəm. Bütün baş verənlərin hamısı Türkiyəyə təzyiq xarakterlidir. Artıq Türkiyə belə məsələlərə öyrəşib. Düşünürəm ki, bu yöndə hər hansı bir öz təhlükəsizlik maraqlarından geri çəkilməyəcək”.

Nərminə UMUDLU
pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Türkiyədə zəlzələdə ölənlərin sayı 2316-ya çatıb, 13 293 nəfər yaralanıb - Yenilənib

Türkiyədə baş verən zəlzələnin təbii halda baş verməsi real görülürmü?..

Türkiyədəki zəlzələni 3 gün əvvəl təxmin edibmiş - Foto

Bakıda və rayonlarda qar yağacaq, temperatur 8-10 dərəcə aşağı enəcək 

Türkiyədə faciə ardınca faciə: Xilasedicilər dağılan binanın altında qaldılar - Video

Azərbaycanın İrandakı səfirliyinə edilən terror hücumunun yeni detalları açıqlanıb

Azərbaycanlı tələbələr Türkiyədə dağıntılar altında qalıblar - Foto

Şeyxin kəskin İran bəyanatları Azərbaycan şiələrini İran ayətullahlarından uzaqlaşdıracaqmı?

Priqojin  Su-24 qırıcısı ilə Baxmutu bombardman edib...

Zəlzələdə itkin düşən Günel Qayıbova tapıldı: Bacısının axtarışları davam edir

Harri 16 yaşında bakirəliyini itirib - Şahzadənin ilk qadını mərhəm detalları açıqlayıb…

Ən çox oxunanalar