Vaşinqtonun Ukrayna münaqişəsində iqtisadi marağı açıqlanıb…
Ukrayna münaqişəsi kontekstində Vaşinqtonun əsas resurs marağı titan metalıdır.
PİA.az xəbər verir ki, bu barədə ABŞ-ın Newsweek yurnalı məlumat yayıb.
Newsweek yazır ki, Qərb bu metaldan asılı olaraq qalır və Ukrayna onun alternativ tədarük mənbəyinə çevrilə bilər. Nəşr qeyd edir ki, Qərb üçün kritik əhəmiyyət kəsb edən titan metalının Ukraynada nəhəng ehtiyatları var və ABŞ və müttəfiqləri bu mədənləri müəyyən etmək, inkişaf etdirmək və istifadə etmək üçün Rusiyanın Ukraynaya hakim olmasını əngəlləməyə çalışır.
Newsweek əlavə edib ki, Ukraynaya davamlı dəstəyin niyə Pentaqonun maraqlarına uyğun olması ilə bağlı son vaxtlar müzakirələr gedir. Titan yataqlarının mədənlərinə sahib olmaq Ağ Ev üçün xüsusi strateji məsələdir. Nəşr vurğulayır ki, Rusiyada istehsal olunan titan Qərbin sanksiyaları altına düşməyən resursdur.
pia.az