Bu gün səhər saatlarında İsrail Ordusu Qəzzə zolağına hava zərbələri endirib...
PİA.az xəbər verir ki, CNN-in verdiyi məlumata görə, İsrail Müdafiə Qüvvələri (IDF) sahil anklavından raket hücumunun qarşısını aldıqdan sonra fevralın 2-də səhər saatlarında Qəzzəyə hava zərbələri endirib.
İsrail ordusu tvitində bildirib ki, qırıcılar Qəzzə zolağına nəzarət edən Fələstin qruplaşması HƏMAS-a məxsus kimyəvi istehsal müəssisəsini və silah istehsalı müəssisəsini hədəf alıb.
Bəyanatda deyilir: “Qəzzədən gələn bütün terror fəaliyyətlərinə görə HƏMAS-ı məsuliyyət daşıyır və İsrailə qarşı təhlükəsizlik pozuntularının nəticələri ilə üzləşəcək”.
Qeyd edək ki, bir gün əvvəl İsrail ordusu Qəzzadan atılan raketin hava hücumundan müdafiə sistemi tərəfindən vurulduğunu bildirmişdi.
Hava hücumu nəticəsində ölən və yaralananlar barədə məlumat verilmir.
Fələstinin rəsmi xəbər və informasiya agentliyi WAFA bildirib ki, F-16 döyüş təyyarələri Qəzzə zolağının mərkəzində yerləşən obyektə ən azı 5 raket zərbəsi endirib. Hücum nəticəsində obyektlər yanıb və yaxınlıqdakı evlərə ziyan dəyib. İki raket mərkəzi bölgədəki kənd təsərrüfatı sahələrinə də düşüb.
pia.az