Qərb ölkələri Qəzza zolağında vəziyyəti həll etmək üçün İsrailə silah satışını azaltmaq təklifi ilə çıxış ediblər...
Poliqon xəbər verir ki, bu barədə Türkiyənin "Hürriyyət" qəzeti məlumat yayıb.
"Qərb ölkələri indi İsrailə silah satışını azaltmağı və hətta onun texnologiyaya çıxışını məhdudlaşdırmağı təklif edirlər", deyə nəşr bildirib.
Qeyd olunur ki, Qəzza zolağında hərbi əməliyyatlara son qoymaq üçün İslam Əməkdaşlıq Təşkilatı və Ərəb Dövlətləri Liqası tərəfindən yaradılmış təmas qrupu, eləcə də bir neçə Qərb dövlətinin nümayəndələri bu yaxınlarda Ər-Riyadda görüşlər keçirib və Fələstin-İsrail böhranı ilə bağlı vacib danışıqlar aparıblar.
Qəzet yazır ki, İsrail ordusuna silah satışını azaltmaqla yanaşı, hava məkanının məhdudlaşdırılması da təkliflər arasındadır.
Aprelin 30-da Fələstinin HƏMAS hərəkatı Misirdən Qəzza zolağında saxlanılan 33 girovu azad etmək təklifi alıb. Misirin Qəzzada hərbi əməliyyatların müvəqqəti dayandırılması müqabilində girovları azad etməyi təklif etdiyi bildirilir. İsrail bu təklifin hazırlanmasında iştirak edib, baxmayaraq ki, İsrail hakimiyyəti bununla tam razı deyil.
Poliqon.info
Digərxəbərlər
Populyar xəbərlər
