Moldovadakı Qaqauziya muxtariyyətinin hakimiyyət orqanalrı mayın 1-dək təqaüdçüləri “Mir” kartları ilə təmin edib...
Poliqon xəbər verir ki, bu barədə “RİA Novosti” Agentliyinin məlumatında bildirilir. Qaqauziyanın xarici əlaqələr şöbəsinin rəis müavini Yuri Kuznetsov Agentliyə bildirib ki, “Promsvyazbank” hər bir pensiyaçıya “Mir” kartı vermək öhdəliyini öz üzərinə götürüb.
Rusiydan 9958 rubl məbləğində pensiyaya əlavə ödəniş artıq təqaüdçülərin 40% -nin kartlarına köçürülüb. Bu kartlar üzrə hər ay Rusiyadan maliyyə yardımı alınacaq. Kuznetsovun sözlərinə görə, Qaqauziyada 20 minə yaxın təqaüdçü var, onlardan 8 mini artıq pulu alıb.
Qeyd edək ki, aprelin 9-da Qaqauziyanın rəhbəri Yevgeniya Qutsul “Promsvyazbank” ilə Qaqauziya sakinləri üçün “Mir” ödəniş sisteminin bank kartlarının verilməsinə dair müqavilə imzalayıb. Qutsul bildirib ki, bunun sayəsində muxtariyyətin pensiyaçıları mayın 1-dən Rusiyadan 110 dollardan çox əlavə ödənişlər alacaqlar. Xanım Qutsul qeyd edib ki, bu vəsaiti təqaüdçülər Rusiyada yerləşən qohumları vasitəsilə əldə edəcəklər. Onlar pul köçürmə sistemləri vasitəsilə onları nağdlaşdırıb Moldovaya göndərə bilərlər.
Poliqon.info