BMT baş katibinin humanitar məsələlər üzrə müavini Martin Qriffits bildirib ki, heç bir humanitar cavab planı İsrailin qurudan hücumu halında Qəzza zolağının cənubundakı Rəfah şəhərində baş verəcək ağılsız faciənin qarşısını ala bilməz...
Poliqon xəbər verir ki, bu barədə Qriffits BMT-nin Koordinasiya Ofisinin saytında dərc olunan bəyanatında qeyd edib.
"Tamamilə dəqiq olan odur ki, Rəfahda quru əməliyyatı ağlasığmaz faciədən başqa bir şey olmayacaq. Heç bir humanitar cavab planı buna qarşı çıxa bilməyəcək", deyə BMT rəsmisi bildirib.
BMT baş katibinin humanitar məsələlər üzrə müavini də Rəfahda quru əməliyyatının yaxın gələcəkdə baş verə biləcəyini deyib. Onun sözlərinə görə, bu, Qəzza zolağının sakinlərinə daha çox əzab və ölüm gətirəcək və anklavda fəaliyyət göstərən humanitar təşkilatlar üçün fəlakətli zərbə olacaq.
Qriffits qeyd edib ki, İsrailin Qəzza zolağının əhalisinə humanitar yardım göstərmək səyləri Rəfaha genişmiqyaslı hücuma hazırlaşmaq və ya bunun üçün bəraət qazandırmaq üçün istifadə edilə bilməz.
Çərşənbə axşamı İsrailin baş naziri Benyamin Netanyahu girovların azad edilməsi üçün HƏMAS-la razılığın əldə edilib-edilməməsindən asılı olmayaraq İsrail ordusunun Rəfah şəhərində əməliyyat keçirəcəyini bildirib.
Poliqon.info