Pekin ABŞ-ın yeni sanksiyalarını qeyri-qanuni və birtərəfli adlandırıb

ÇXR Amerika hakimiyyətinin Çin şirkətlərinə qarşı qeyri-qanuni və birtərəfli məhdudlaşdırıcı tədbirlərinə qəti şəkildə qarşı çıxır.

Poliqon xəbər verir ki, bu barədə TASS Agentliyinə müsahibəsində Çinin Vaşinqtondakı səfirliyinin mətbuat katibi Lyu Penqyu bildirib.

Yüksək səviyyəli diplomat ABŞ-ın Moskvaya qarşı tətbiq etdiyi yeni sanksiyalar siyahısına Çin firmalarının daxil edilməsini şərh edib. ABŞ Maliyyə Nazirliyi bəyan edib ki, bu müəssisələr Rusiya tərəfinə ehtiyacı olan avadanlığın alınmasına kömək edir.

Lyu Penqyu qeyd edib ki, Pekin Çindən gələn şirkətlərin qanuni hüquqlarını müdafiə etməyə davam edəcək. O, həmçinin Pekin və Moskva arasında ticarət-iqtisadi sahədə qarşılıqlı fəaliyyətin bazar prinsiplərinə uyğun olduğunu və Ümumdünya Ticarət Assosiasiyasının heç bir qaydalarını pozmadığını vurğulayıb.

Çinli diplomat vurğulayıb ki, Rusiya-Çin ticarət əlaqələri üçüncü ölkələrə qarşı yönəlməyib.

Qeyd edək ki, mayın 1-də Vaşinqton Moskvaya qarşı yeni sanksiyalar paketini təqdim edib. Siyahıya 200-dən çox Rusiya şirkəti daxildir. Məhdudlaşdırıcı tədbirlər Çində qeydiyyatdan keçmiş 20 şirkət və Slovakiya, Birləşmiş Ərəb Əmirlikləri, Belçika, Türkiyə şirkətləri var. Siyahıda həmçinin bir Azərbaycan şirkəti də yer alıb.

Poliqon.info