Ermənistan parlamentinin sədri Alen Simonyan Azərbaycanla Ermənistan arasında aparılan sülh danışıqlarını şərh edib...
“Biz hər şeyi aydınlaşdırırıq ki, sabah heç kim bu maddələri özü bildiyi kimi şərh edə biləməsin”.
Poliqon xəbər verir ki, bunu Ermənistan Parlamentinin spikeri Alen Simonyan bu gün jurnalistlərlə söhbətində bildirib.
“Beynəlxalq normalar tam şəkildə təsbit olunub, bu da bizim yanaşmalarımızdır. Bütün məsələlərdə ziddiyyətlər varsa, erməni tərəfi onları rədd edir. Bunun sübutu odur ki, müqavilə on iki dəfə qarşı tərəfə geri göndərilib. Bəs niyə? Çünki onlar öz təkliflərini göndərirlər, biz də deyirik: Yox, bizim təkliflərimiz budur. Ona görə də proses ləngiyir”, deyə parlament sədri bildirib.
Simonya tərəflər arasında əsas fikir ayrılığının nədən ibarət olduğuna da aydınlıq gətirib:
“Heç bir prinsipial fikir ayrılığı yoxdur, biz məqamları bir-bir keçirik, yəni bu məqamlara çatırıq, müzakirə edirik. Proses bu cür gedir, beynəlxalq prinsiplərin əsasında və bir-bir...”.
“Baxın, bəzi ölkələr və bəzi siyasətçilər 9 noyabr bəyanatı ilə bağlı fərqli şərhlər ortaya qoyurdular. Bu hamımız üçün yaxşı dərs oldu. İndi artıq elə edirik ki, hər bir ifadə hər iki tərəfə aydın olsun. Biz hər şeyi aydınlaşdırırıq ki, sabah heç kim bu maddələri özü bildiyi kimi şərh edə biləməsin”, deyə Alen Simonyan əlavə edib.
Poliqon.info