Şimali Koreya ballistik raketlər üçün mühərrikin sınağını keçirib

Poliqon "Kyodo News"a istinadən xəbər verir ki, bu barədə ABŞ-ın Strateji və Beynəlxalq Araşdırmalar Mərkəzi (CSIS) peyk şəkilləri və məlumatlı mənbələrin məlumatlarına əsaslanaraq bildirib.

Analitik mərkəzin məlumatına görə, elan edilməmiş sınaq aprelin dördüncü həftəsi ərzində Sohae Peyk Başlatma Stansiyasında Yunsong Şaquli Mühərrik Test Standında keçirilib.

Sınaqın Şimali Koreyanın daha təkmil uzaqmənzilli ballistik raketlər, kosmik raketlər və peyklər hazırladığının sübutu olduğu bildirilir.

CSIS tərəfindən aprelin 29-da yayımlanan fotoşəkildə sınaq stendinin yaxınlığında yandırılmış bitki örtüyünün izləri göstərilir.

Aprel ayında CSIS və Cənubi Koreya rəsmiləri Şimali Koreyanın ayın sonuna qədər ikinci casus peykini orbitə çıxara biləcəyini bildirmişdilər. Lakin bu baş vermədi.

Bundan əvvəl Cənubi Koreyanın müdafiə naziri Şin Von Şik bildirib ki, Şimali Koreya tərəfindən kosmosa buraxılan ilk casus peyki "Mulliqan-1" təxminən üç aya yaxındır heç bir aktivlik əlaməti göstərmir və sadəcə olaraq Yerin orbitində fırlanır.

Poliqon.info