İsrail ordusu Qəzza zolağının Rəfah şəhərində genişmiqyaslı əməliyyata başlayarsa, baş nazir Benyamin Netanyahu silah satışını dayandıracağı barədə xəbərdarlıq edən ABŞ prezidenti Co Baydenlə fikir ayrılıqlarını aradan qaldıracağına ümid edir...
Poliqon xəbər verir ki, o, bu barədə Amerikanın "Merit Street Media" telekanalına müsahibəsində bildirib.
Baş nazir qeyd edib ki, Baydeni 40 ilə yaxındır tanıyır və aralarında fikir ayrılıqları var, lakin siyasətçilər buna qalib gələ biliblər: "Ümid edirəm ki, biz indi onların öhdəsindən gələcəyik".
Baş nazir ölkənin Rəfahdakı hərəkətlərindən danışaraq bildirib ki, İsraili və onun gələcəyini qorumaq üçün etməli olduğunu edəcək.
Netanyahu ölkənin HƏMAS-a qarşı təkbaşına mübarizə apara biləcəyini də bəyan edib: "Lazım gəlsə, dırnaqlarımızla vuruşacağıq. Amma bizdə bundan çox şey var".
Eyni zamanda, Netanyahu xatırladıb ki, İsrail dövləti yaradıldıqdan sonra BMT bu ölkəyə silah tədarükünə embarqo qoyub, lakin 1948-ci il Ərəb-İsrail müharibəsində müstəqilliyini qazanıb.
AFP isə yazır ki, HƏMAS İsrailin yeni atəşkəs təklifini rədd etdiyini açıqlayıb. "İsrail vasitəçilərin təqdim etdiyi təklifi rədd edib və ona bir neçə əsas məqamda etirazlarını bildirib", deyə nəşr qeyd edib. Bildirilir ki, HƏMAS vasitəçilərin təklifini dəstəkləyib.
Bunun əvəzində, İsrailin Rusiyadakı səfiri Simone Halperin ölkə ilə HƏMAS arasında yeni razılaşmanın mümkünlüyünü açıqlayıb.
"Sazişin müddəti ərzində qısamüddətli atəşkəs razılaşdırıla bilər. Danışıqlar gedir, davam edir və biz hamımız ümid edirik ki, həqiqətən də nəticə əldə edə biləcəyik".
Poliqon.info
Digərxəbərlər
Populyar xəbərlər
