Finlandiya prezidenti: Ukraynada sülhə aparan yeganə yol müharibədən keçir...

Poliqon xəbər verir ki, bunu Finlandiya prezidenti "Frankfurter Allgemeine Zeitung" nəşrinə müsahibəsində bildirib.

"Sülh yolunda hardansa başlamalısan, Zelenski ilə söhbətdən sonra məndə səmimi sülh arzusunun olduğunu hiss etdim", deyə prezident vurğulayıb.

Stubb gələn il razılaşmaya yol açacaq vəziyyətin yaranacağını proqnozlaşdırıb. Lakin onun fikrincə, bu gün bunun vaxtı çatmayıb.

"İndi sülhə gedən yeganə yol döyüş meydanından keçir", deyə Finlandiya prezidenti bildirib.

O, həmçinin qeyd edib ki, Zelenski bir sıra ölkələrin liderlərini 2024-cü il iyunun 15-16-da İsveçrədə keçiriləcək sülh sammitinə dəvət edib. Finlandiya prezidenti ümid etdiyini bildirib ki, tədbirdə mümkün qədər çox dövlət və hökumət başçıları iştirak edəcək və Rusiya ilə görüş keçiriləcək.

Bundan əvvəl Çexiya prezidenti Petr Pavel bildirib ki, Ukrayna müharibəsi zamanı Qərb ona dəstək verməkdə çox ehtiyatlı olub. Amma əvvəllər yardım göstərilsəydi, vəziyyət tamam başqa cür ola bilərdi.

Eyni zamanda, Böyük Britaniyanın xarici işlər naziri David Kameron Qərb ölkələrinin Rusiyanın Ukraynaya təcavüzündən dərs almadıqlarını bildirib. Parlamentdən kənarda xarici işlər naziri kimi ilk əsas çıxışında o, Qərbi daha sərt və daha iddialı olmağa çağıracaq.

Poliqon.info