Rusiyanın Novqorod vilayətinin hüquq-mühafizə orqanları Azərbaycan vətəndaşı, 1952-ci ildə anadan olmuş Salmanov Fərman Salman oğlunun axtarışını elan edib
Onun yoxa çıxdığı barədə hüquq-mühafizə orqanlarına 2014-cü il, avqustun 20-də məlumat daxil olub.
Məlumata görə, Salmanov evdən çıxıb və bir daha geri qayıtmayıb. Novqorod Vilayəti İstintaq İdarəsinin məlumatında deyilir ki, həmin şəxs yaşadığı evdən çıxarkən hər hansı şübhəli davranış göstərməyib, onun qəfil ölümə səbəb ola biləcək xroniki xəstəliyi olmayıb.
Sırkovo qəsəbəsində yaşayan Salmanov evdən çıxandan sonra geri qayıtmayıb və hüquq-mühafizə orqanları onun oğurlandığını, yaxud digər cinayətə məruz qaldığını ehtimal edir.
F.Salmanov Azərbaycanın Kürdəmir rayon sakinidir. Novqorod vilayətinin Sırkovo qəsəbəsi, Proletarsk küçəsi, ev 124 ünvanında yaşayıb. Orta bədənlidir, boyu 170 sm-dir, 42 ölçüdə ayaqqabı geyinir. Evdən çıxarkən əynində məxməri xalat və rezin çəkələk olub.(virtualaz.org)