“Mehman Hüseynovun durumu yaxşıdır, bir-iki günə işinə qayıdacaq”
Bu sözləri müsavat.com-a açıqlamasında RATİ-nin hüquqşünası Günay İsmayılova bildirib. Onun sözlərinə görə, Mehmanla iki gün öncə əlaqə saxlayıb və o, hər şeyin qaydasında olduğunu bildirib.
RATİ-nin rəhbəri Emin Hüseynova gəlincə, əməkdaşının sözlərinə görə hələ ki, ondan bir xəbər yoxdur. Hətta qardaşı Mehman Hüseynov belə onun harada olduğunu bilmir: “Mehmanın heç nədən xəbəri yoxdur. O da nə olduğunu bizdən soruşur”.
Qeyd edək ki, artıq fəaliyyəti dayandırılan Reportyorların Azadlığı və Təhlükəsizlik İnstitutunun əməkdaşları bir-bir prokurorluğa çağırılaraq dindiriliblər. Avqustun 14-də Günay İsmayılova, ötən gün isə təşkilatın mühasibi Tanya Kryuçkina Baş Prokurorluğun Ağır Cinayətlərə Dair İşlər üzrə İstintaq İdarəsinə çağırılaraq dindirilib. Musavat.com-a açıqlamasında Tanya Kryuçkina bildirdi ki, ona mühasibatlıq işi ilə bağlı suallar verilib, müəyyən sənədlər barədə sorğu-sual aparılıb. Tanya Kryuçkinanın sözlərinə görə, ona rəhbərlik haqqında da suallar verilib və hələlik bu haqda danışmaq istəmir. Qeyd edək ki, dindirmələr davam etdiyindən RATİ-nin hər iki əməkdaşına ölkədən çıxmaq qadağan olunub.
Qeyd edək ki, Reportyorların Azadlığı və Təhlükəsizlik İnstitutunun ofisi avqustun 11-də Baş Prokurorluğun Ağır Cinayətlərə Dair İşlər üzrə İstintaq İdarəsinin əməkdaşları tərəfindən möhürlənib və təşkilat fəaliyyətini dayandırıb.
Digərxəbərlər
Populyar xəbərlər
