Ekipaj komandiri Həştərxanda məcburi eniş edib
Moskvadan Bakıya gələn Airbus A320 sərnişin təyyarəsi göyərtədə içkili sərnişinin saldığı davaya görə Həştərxanda məcburi eniş edib.
Oxu.Az “İnterfaks”a istinadən xəbər verir ki, Həştərxan vilayəti nəqliyyat prokurorluğunun mətbuat xidmətindən uçuş zamanı sərnişinlərdən birinin stüardessanı təhqir etdiyini, daha sonra onu itələyib, yumruqla zərbə endirdiyini bildiriblər.
Bundan sonra ekipaj komandiri təyyarəni Həştərxanda yerə endirmək barədə qərar qəbul edib, dava salanı reysdən kənarlaşdırıblar. Bu, Rusiya vətəndaşlığı olan, daimi Kostroma vilayətində yaşayan 1963-cü il təvəllüdlü azərbaycanlı olub.
Nəqliyyat prokurorluğu göyərtədə baş vermiş insidentlə bağlı yoxlamaya başlayıb. Planlaşdırılmamış enişə görə təyyarə reysi 7 saat gecikib.
Digərxəbərlər
Populyar xəbərlər
