Azay Quliyev: "Almaniyanın kansleri xanım Merkel cənab prezident İlham Əliyevlə yanvarın 21-də keçirtdiyi brifinqdə atəşkəsin pozulmasında (Azərbaycanın ərazisinin işğalı kimi də qəbul etmək olar) Ermənistanın Rusiya tərəfindən dəstəklənməsi faktını açıq şəkildə qeyd etdi. İlk dəfə idi ki, bu həqiqət xarici ölkənin lideri, xüsusilə dünyanın aparıcı ölkələrindən biri olan Almaniyanın hökumət başçısı tərəfindən etiraf olunurdu"
Bu fikri millət vəkili Azay Quliyev öz facebook səhifəsində yazıb. Deputatın xanım Merkelin bu bəyanatını və münaqişənin həlli ilə bağlı ölkəsinin, eləcə də Avropa İttifaqının daha fəal olacağı haqqında səsləndirdiyi fikirlərini təqdir edib.
- Düşünürəm ki, Almaniyanın ATƏT-in Minsk Qrupunun həmsdərliyinə gətirilməsi məsələsi XİN tərəfindən rəsmi olaraq müzakirəyə çıxarılmalı və bu istiqamətdə müvafiq addımlar atılmalıdır. ATƏT PA-nın gələn ay Vyanada keçiriləcək qış sessiyasında həm Almaniyanın, həm də Türkiyənin Ermənistan-Azərbaycan, Dağlıq Qarabağ münaqişəsinin Minsk həll prosesinə yaxından cəlb edilməsi və hazırda 3 ölkədən ibarət həmsədrlik institunun dəyişdirilərək “5-lik Sədrlər Şurası” (SŞ) ilə əvəz olunması haqqında məsələ qaldırmağı planlaşdırıram,- deyə Azay Quliyev bildirib.
Digərxəbərlər
Populyar xəbərlər
