Türkiyədə son bir ayda artıq 3-cü dəfə “qanuni oğru”ların “sxodka”sı keçirilib
Avqustun əvvəllərində aralarında azərbaycanlı, gürcü, yezidi kürd və yunanların da “taclandırıldığı” “sxodka”larda heç bir rusa adın verilməməsi slavyan klanını qəzəbləndirib.
Belə ki, son bir ayda oğru ailəsinə qəbul edilən daha 9 üzvün arasında bircə slavyanın da olmamasına reaksiya verənlər Türkiyəyə toplaşıblar. Budəfəki “sxodka”nın təşəbbüskarları rus dilində ləhcəsiz danışanlar olub: Sarışın, Zabava və Jora Daşkəndli. Onlarla yanaşı “sxodka”ya Voba Puxliy, Turka, Niki Qaqrinski, Namik və Nadir Səlifov (Lotu Quli) qardaşları, Merab Mzaruelanın da telefonla qoşulduğu bildirilir. “Taclandırılan”lar Vlad Şarap, Mark Pioner və Tolik Noqiskidir.
Qeyd edək ki, bir neçə gün əvəvl Lotu Qulinin internet vasitəsilə Türkiyədə keçirilən “sxodka”ya qatıldığı barədə də xəbər yayılmışdı. Ancaq həmin xəbər “qanuni oğru”nun vəkili Təranə Əliyeva tərəfindən təkzib edilmişdi. (interpress.az)
Digərxəbərlər
Populyar xəbərlər
