Dünya okeanları güc nümayiş etdirmək meydanı kimi çıxış etməməlidir və dənizdə hakimiyyət uğrunda mübarizə həmişə bəşəriyyətə ancaq fəlakətlər gətirib...
Poliqon xəbər verir ki, bunu bazar ertəsi Çinin Çindao şəhərində 19-cu Qərbi Sakit Okean Dəniz Simpoziumunun açılışında çıxış edən Çin Xalq Respublikasının Mərkəzi Hərbi Şurasının sədr müavini Çjan Yusya deyib.
“Tarix dəfələrlə göstərdi ki, okeana nəzarət uğrunda mübarizə bəşəriyyətə fəlakət gətirib, lakin okeandan dinc məqsədlərlə istifadə bəşəriyyətin inkişafına töhfə verib”, deyə Çin rəsmisi qeyd edib və əlavə etdi ki, dünya okeanları mübarizə arensıa olmamalıdır.
“Hazırda qlobal okean idarəçiliyi bir çox yeni imkanlar və çağırışlarla üz-üzədir. Okeanın təhlükəsizliyini və inkişafını birgə dəstəkləmək üçün onları əl-ələ vermək üçün birləşməli və əməkdaşlıq etməliyik”, deyə Çjan Yusya Çin ordusunun hər zaman tam əməkdaşlığa kömək etdiyini bildirib.
19-cu Qərbi Sakit Okean Dəniz Simpoziumu 22-24 aprel tarixlərində keçiriləcək. Təşkilatçıların bildirdiyi kimi, toplantıda qlobal təhlükəsizlik, dənizdə sülh və əmin-amanlıq, dəniz təhlükəsizliyi sahəsində əməkdaşlıq, beynəlxalq hüquqa əsaslanan dəniz nizamı, eləcə də qlobal dəniz idarəçiliyi kimi məsələlər müzakirə olunacaq.
Bu simpozium 2014-cü ildən bəri ikinci dəfədir ki, Çində keçirilir. Simpoziumda 29 ölkə, o cümlədən daha 7 dövlət müşahidəçi qismində iştirak edir. 30 ildən artıqdır ki, bu platformada əməkdaşlıq regionda sülhü qorumaq üçün donanmalar arasında qarşılıqlı əlaqə mexanizminə çevrilib.
Poliqon.info
Digərxəbərlər
Populyar xəbərlər
