İran nüvə silahı istehsal etmək ərəfəsindədir...
Poliqon xəbər verir ki, bunu Bonn Universitetinin Təhlükəsizlik, Strategiya və İnteqrasiya üzrə Təkmil Araşdırmalar Mərkəzinin direktoru Ulrix Şli "Bild" ilə söhbətində bildirib.
Şlinin sözlərinə görə, söhbət bir neçə həftəlik müddətdən gedir.
Ekspertin sözlərini deputat, İranın Milli Təhlükəsizlik və Xarici Siyasət Komissiyasının üzvü Cavad Kərimi Qudusi də təsdiqləyir. O, X-də (keçmiş Twitter) yazıb ki, ölkə indi yalnız bir həftəlik xəbərdarlıqla nüvə sınağı keçirməyə qadirdir.
Qudusi daha sonra izah edib ki, İran prezidenti Əli Xamneyidən əmr alınarsa, orduya 12 min kilometrə qədər mənzilli raketin ilk sınağını keçirməsi üçün cəmi bir həftə vaxt lazım olacaq.
Beynəlxalq Atom Enerjisi Agentliyinin (MAQATE) direktoru Rafael Qrossi "Deutsche Welle"yə deyib ki, İranın nüvə bombası yaratmaq üçün kifayət qədər zənginləşdirilmiş uranı əldə etməyə çox güman aylar deyil, həftələr qalıb. Lakin bu, İranın bir neçə həftə ərzində nüvə silahına sahib olacağı anlamına gəlmir.
"Funksional nüvə başlığının yaradılması parçalanan materialın istehsalından asılı olmayan bir çox başqa şeylər tələb edir", deyə Qrossi bildirib.
Poliqon.info