ABŞ-da Ferqyusson öfkəsi durmur

Ferqyusson öfkəsi durmur : ABŞ-ı ayağa qaldıran görüntülər - Öldürdü, sonra da belə izlədi

ABŞ-ın Ferqyusson şəhərində qaradərili gəncin öldürülməsindən sonra şəhərdə polis və vətəndaşlar arasında qarşıdurmalar davam etməkdədi.

Avropa.info xəbər verir ki, şəhərdə bir müddət komendant saatı tətbiq olunmasına baxmayaraq insanlar küçələrə çıxaraq etiraz ediblər və bu etirazlar hələ də davam etməkdədir. Brovnin polis tərəfindən vurulma anından sonra çəkilən fotosu sosial şəbəkələrdə yayılb və vətəndaşlar arasında geniş müzakirələrə səbəb olub. Polisin sözlərinə görə, etiraz edən əhali polisləri atəşə tutub və onlar 31 etirazçını həbs ediblər. İraqdakı son hadisələr və Ferqyuson olaylarına görə Obama istirahətini yarımçıq qoyaraq Vaşinqtona qayıdıb və mətbuat önünə çıxaraq açıqlamalar verib. Obama Ferqyuson şəhərində Ədalət naziri Erik Holder və Missuri ştatının rəhbəri Jay Niksonla görüşərək Brovninin ölüm hadisəsini araşdırmaq üçün müstəqil qrupun yaradılması tapşırıqını verib.Obama yerli idarə qüvvələrinin hərbiləşmə məsələsini yenidən gündəmə gətirib.

ABŞ prezidenti bildirib ki, Holder Ferqyuson şəhərinə gedərək orada etirazşılarla görüşəcək:

“Hamımız şəhərdə davam edən etirazları gördük, etirazçıların çoxu dinc etirazlar olsa da biz görürük ki, bundan istifadə edib aranı qarşıdırmaq istəyən qüvvələr də az deyil. Mixael Brovninin ölümünə qarşı olan etirazları anlayırıq, amma yağmalamaq, polisə hücum etmək, dövlət malına ziyan vurmaq başa düşülən deyil. İnsanların azad söz demək, etiraz etmək hüququ var, polisin dinc formada bu hüquqdan istifadə edən insanlara müdaxilə etməsini də qəbuledilməz hesab edirəm.”

Obamanın sözlərinə görə, ölkənin bəzi yerlərində yerli əhali və polis arasında ciddi problemlər mövcud olmaqdadı, bu problemlər daha çox qaradərili insanların yaşadığı yerlərdə nəzərə çarpır. Obamanın sözlərinə görə, şəxsən o, bu tip problemləri aradan qalrırmaq üçün yeni layihələr hazırlamaqla məşğuldur.

Obamanın sözlərinə görə, Ölkədə polis və yerli idarə qüvvələri arasında bır sıra anlaşılmamazlıqlar müşahidə olunmaqdadı. Obama bildirib ki, xüsusən də 11 sentyabr hadisələrindən sonra o, belə qənaətə gəlib ki, yerli idarə qüvvələri lazımlı əşyalarla təhciz olunmalıdı. Obamanın sözlərinə görə, hazırda yerli idarə qüvvələrinin hansı formada fəaliyyət göstərməsi haqda planlar nəzrədən keçirilməkdədir.

“Biz yerli idarə qüvvələrinin necə fəaliyyət göstərməsinə, aldıqları məhsullara doğurdanmı ehtiyaclarının olub-olmadığını bilməliyik, istədikləri şeyin onlara xeyir verib vermədiyini dəqiq bilməliyik. Çünki ordu və yerli idarə qüvvələri arasında böyük fərq var və biz onları ordu ilə bir tutmamalıyıq.”

Jurnalistlərdən biri Obamaya ölkədə ağdərili və qaradərili insanlara qarşı fərqli münasibət olmasına dair sual verib.

Obama bu problemin əsas həll yolu kimi təhsilin və insanlar arasında mariflənmənin aparılmasını əsas yol kimi göstərib.

Obama bildirib ki, cinayət törədən istənilən qaradərili gənc cəzalanmalıdı:

“Qaradərili gənclər əsasən yoxsul ailələrdə doğulan zaman, dərslərində uğursuzlqla üzdəşlikdən sonra cinayətkara çevrilir və əgər onlar cinayət törədirlərsə həbs olunmalıdırlar. Çünki ictimai təhlükəsizlik ən öndə olan amildir."