Bakıda zibil qutusundan yeni doğulmuş uşaq meyitinin tapılması faktı ilə bağlı cinayət işi başlanılıb
Qadın uşağını zibilliyə atdı.
17:06
Lent.az-ın Səbail rayon Prokurorluğuna istinadən məlumatına görə, faktla bağlı Cinayət Məcəlləsinin 121-ci, yəni ananın yeni doğduğu uşağı doğuşdan dərhal sonra qəsdən öldürməsi maddəsi ilə cinayət işi başlanıb. Araşdırmalar davam etdirilir.
Bildirilir ki, Səbail rayonu 20-ci Sahə adlanan ərazidə kirayədə yaşayan Gülnarə Əzimova övladını dünyaya gətirdikdən sonra onu öldürərək zibil qutusuna atıb. G.Əzimova imkanı olmadığı üçün yeni doğulmuş övladını basdıra bilmədiyini deyib.
---------
11:44
Bakıda yeni doğulmuş uşaq meyidi aşkar edilib
Səbail Rayon Polis İdarəsindən APA-ya verilən məlumata görə, 20-ci sahə, Arif İsmayılov küçəsi, dalan 2 ünvanındakı zibil qutularından birində yeni doğulmuş oğlan uşağının meyidinin tapılması ilə bağlı polisə məlumat daxil olub.
Məlumat əsasında hadisə yerinə hüquq-mühafizə orqanlarının əməkdaşları gəliblər. Aparılan əməliyyat axtarış tədbirləri nəticəsində körpənin anası Gülnarə Nəriman qızı Əzimova olduğu məlum olub və qadın saxlanılıb.
G. Əzimova ilkin ifadəsində uşağın doğuşdan sonra evdə öldüyünü bildirib və uşağın meyidini zibilliyə atdığını bildirib. G. Əzimova sərbəst buraxılıb.
Hazırda faktla bağlı araşdırma aparılır.