Azərbaycan və Türkiyə XİN başçılarının birgə mətbuat konfransı olacaq
Yaxın saatlarda Türkiyə Respublikasının xarici işlər naziri Mevlud Çavuşoğlu Azərbaycana rəsmi səfər edəcək.
Bu barədə Azərbaycan Xarici İşlər Nazirliyinin (XİN) mətbuat xidmətindən musavat.com-a məlumat verilib.
Məlumata görə, səfər çərçivəsində Mevlud Çavuşoğlunun Azərbaycan Respublikasının xarici işlər naziri Elmar Məmmədyarovla görüşü nəzərdə tutulub.
Görüşdən sonra keçiriləcək birgə mətbuat konfransında iştirak etmək niyyətində olan KİV nümayəndələrinin 27 noyabr tarixində saat 11:45-dən gec olmayaraq Xarici İşlər Nazirliyinə gəlmələri xahiş olunur.
Mətbuat konfransında iştirak etmək üçün KİV nümayəndələri təmsil etdikləri qurum tərəfindən verilmiş vəsiqələrini, xarici KİV nümayəndələri isə Azərbaycan Respublikası Xarici İşlər Nazirliyi tərəfindən verilmiş akkreditasiya kartlarını təqdim etməlidirlər.
İki gün öncə Türkiyənin yeni hökumətində təkrarən XİN başçısı postuna tədiqlənən M.Şavuşoğlunun Bakı səfərində bir sıra aktual məsələlərin, o cümlədən, Türkiyə-Rusiya münasibətlərindəki gərginliyin müzakirə olunacağı gözlənilir.
XİN başçısı Bakıya Şimali Kipr Türk Cümhuriyyətindən uçacaq.
pia.az
Digərxəbərlər
Populyar xəbərlər
