Azərbaycan prezidenti İlham Əliyev Sloveniya prezidenti Borut Pahor, Xorvatiya prezidenti Kolinda Qrabarı və Mozambik prezidenti Filipe Jasinto Nyusini ölkələrinin milli bayramı - Dövlətçilik Günü münasibəti ilə təbrik edib
Prezident İlham Əliyev Sloveniya prezidentinə ünvanladığı təbrikdə qeyd edib ki, Azərbaycan ilə Sloveniya arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcək.
Dövlət başçısı dost Sloveniya xalqına sülh və rifah arzulayıb.
Prezident İlham Əliyev Xorvatiya prezidentinə təbrikində Azərbaycan-Xorvatiya münasibətlərinin dinamik və hərtərəfli inkişaf yolunda olduğunu bildirib: “Ölkələrimizin strateji tərəfdaşlığı qarşılıqlı maraq doğuran bütün sahələrdə əməkdaşlığımız üçün geniş imkanlar açır. İnanıram ki, bu imkanlardan səmərəli istifadə etməklə dost xalqlarımızın rifahına töhfələr verəcəyik. Bu əlamətdar gündə Sizə ən xoş arzularımı yetirir, dost xalqınıza sülh və firavanlıq diləyirəm”.
Prezident İlham Əliyev Mozambik prezidenti Filipe Jasinto Nyusini də ölkəsinin milli bayramı – Müstəqillik Günü münasibətilə təbrik edib.
Dövlət başçısı təbrik məktubunda ümidvar olduğunu bildirib ki, Azərbaycan-Mozambik əlaqələri xalqlarımızın mənafelərinə uyğun olaraq inkişaf edəcək və genişlənəcək.
Azərbaycan prezidenti Mozambik xalqına sülh və tərəqqi diləyib.
pia.az
Digərxəbərlər
Populyar xəbərlər
