“İqtidar-müxalifət yaxınlaşmasına düşmən qüvvələr mane olur”
Azərbaycanda iqtidar və müxalifət arasındakı yaxınlaşmasına mane olan qüvvələr Rusiya, İran və Ermənistan tərəfindən idarə olunur”.
Bu sözləri moderator.az saytına açıqlamasında ADP sədri Sərdar Cəlaloğlu bildirib. S.Cəlaloğlunun sözlərinə görə, Azərbaycanın inkişafını istəməyən bu dövlətlər daxili parçalanmanın davamlı olmağında maraqlıdır:
“Bu ölkələr Azərbaycanın bir dövlət kimi inkişafında, Azərbaycan cəmiyyətinin həmrəyliyində maraqlı deyillər və buna görə də, iqtidar və müxalifətin yaxınlaşmasına mane olmağa çalışırlar. Onlar yaxşı bilirlər ki, belə bir yaxınlaşma Azərbaycanın inkişafına, daxili qüvvələrin ciddi həmrəyliyinə səbəb olacaq.
Məhz bunun qarşısını almaq üçün onlar özləri tərəfindən idarə edilən bəzi qüvvələr vasitəsi ilə iqtidar-müxalifət yaxınlaşmasına mane olur, siyasi qüvvələr arasındakı parçalanmanın aradan qalxmamasına çalışırlar”.