İranın vitse-prezidenti Şəhindoxt Mollaverdi Xanım Həkimənin (ə) məzarını, Bibiheybət məscidini ziyarət edib
Qafqaz Müsəlmanları İdarəsi Qazılar Şurasının üzvü, Bibiheybət məscidinin axundu Hacı Rahib Babayev ziyarət zamanı qonağı müşayiət edib.
Şəhindoxt Mollaverdi yeddinci imam – İmam Museyi Kazımın (ə) qızı Xanım Həkimənin (ə) məzarına da baş çəkib.
İran İslam Respublikasının vitse-prezidenti Şəhindoxt Mollaverdi Xanım Həkimənin (ə) məzarını ziyarət edəndən sonra məscid-komplekslə, buradakı muzeyin eksponatları ilə tanış olub.
Vitse-prezidentə Qafqaz Müsəlmanları İdarəsinin sədri Şeyxülislam Allahşükür Paşazadənin adından hədiyə təqdim edilib.
Xatırladaq ki, Şəhindoxt Mollaverdi İİR-nin vitse-prezidenti olmaqla yanaşı, İranın Qadın və AiləMəsələləri üzrə naziridir. Bakıya səfərinin səbəbi də İƏT-in qadın məsələləri üzrə nazirlərinin “İslam Əməkdaşlıq Təşkilatına üzv dövlətlərin inkişafında qadınların rolu” mövzusunda V Beynəlxalq Konfransında iştirak etməkdir.
Qeyd edək ki, görüşdə Ailə, Qadın və Uşaq Problemləri üzrə Dövlət Komitəsi sədrinin birinci müavini Sədaqət Qəhrəmanova da iştirak edib.(ans press)