Bakı Qazax yolunda avtomobilin aşması nəticəsində iki nəfər ölüb
Bakı Qazax magistral yolunun Yevlaxın Səmədabad kəndindən keçən hissəsində ağır yol qəzası baş verib.
ANS PRESS-in bölgə müxbirinin verdiyi məlumata görə, yolda "Mitsubishi" markalı avtomobil aşıb. Avtomobildə olan sərnişinlərdən ikisi hadisə yerindəcə dünyasını dəyişib. Avtomobilin sürücüsü və digər iki sərnişin Yevlax mərkəz rayon xəstəxanasına gətirilib. Aralarında azyaşlı olduğu deyilən yaralılardan birinin vəziyyəti ağır qiymətləndirilir.
Sürücünün sözlərinə görə qarşısındakı yük maşınını keçmək istəyərkən idarəetməni itirib və maşın aşıb.
Baş vermiş faktla bağlı baş dövlət yol polis idarəsində araşdırma aparılır.
Digərxəbərlər
Populyar xəbərlər
