Rusiyada vətəndaşların banklara olan borcu fəlakət dərəcəsinə çatır

Bu ilin ilk yarısında rusiyalıların banklar qarşısında öhdəliyi 2 trilyon rubla çatıb (təxminən 3 milyard dollar). Bu isə paytaxt Moskva şəhərinin ümumi büdcəsinə bərabərdir.

Musavat.com xəbər verir ki, bununla bağlı TASS agentliyi Federal Məhkəmə İcraçıları Xidmətinə (FMİX) istinadən məlumat yayıb. Xəbərdə icraçıların önündə keçən ildən bu yana borcla bağlı yığılıb qalmış 5,6 milyon icra işinin olduğu qeyd edilib.

Federal Xidmətin hesablamalarına görə, bu keçən ilin eyni vaxtı ilə müqayisədə 1 milyon iş çoxdur. Rusiya mətbuatı ölkə vətəndaşlarının borcunun hətta Federal Kosmik Proqramın 10 illik büdcəsini əhatə etdiyini yazır.

Ümumiyyətlə, rusların təkcə 2018-ci ildə banklar qarşısında pul öhdəliyi məhkəmə icraçılarının bütün Rusiyanın fiziki və hüquqi şəxslərindən almalı olduğu ümumi məbləğin dörddə birindən çoxdur. (Burada alimentlər, ayrı-ayrı fikziki və ya hüquqi şəxsləri bir-birinə olan borcları da nəzərdə alınır).

Ümumilikdə rus “pristav”larının icrasında 57,7 milyon iş var. Bu işlərin ümumi həcmi isə 7.7 trilyon rub təşkil edir. Rusların bir-birinə fiziki şəxs kimi borcu 932 milyard rubldur (onlardan 132 milyard rubl aliment ödəmələrinə aiddir). Vətəndaşların digər hüquqi şəxslərə borcunun 3,2 trilyon, büdcə təşkilatlarına və qeyri-büdcə fondları qarşısında pul öhdəliyinin isə 417 milyard rubl olduğu bildirilir.

Federal Xidmətin mətbuat katibliyi Rusiyada cəmi yarım il ərzində borca görə ölkədən çıxmağın qadağan olunması haqqında məhkəmə tərəfindən tam 2,7 milyon qətnamə verdiyi qeyd olunur. İyulun 1-nə verilən məlumata görə, kimi 2,5 milyon insan pul öhdəliyinə görə Rusiya sərhədlərindən kənara çıxa bilməyib.

"Kommersant" qəzeti vətəndaşların ödəmə qabliyyətinin tükənməsi ucbatından bankların risk zonasına daxil olduğunu yazıb.

pi.az