“Müharibə üçün bir əsas yoxdur” 

İranın ali dini lideri ayətullah Əli Xamenei Birləşmiş Ştatlarla mümkün müharibə ehtimallarını şərh edib.

“Report” RİA “Novosti”yə istinadən xəbər verir ki, onun sözlərinə görə, İran tərəfi ABŞ-a qarşı müqavimət göstərməkdə davam edir, lakin müharibə olmayacaq.

“Müharibə üçün bir əsas yoxdur”, – deyə Xamenei bildirib.

O əlavə edib ki, hərbi qarşıdurma ABŞ-ın maraqları daxilində deyil. Xamenei qeyd edib ki, belə olacağı təqdirdə İran Amerikadan daha güclü çıxacaq.

pia.az