Yanvarın 16-dan bu günə kimi Suriyada hərbi əməliyyatlar nəticəsində demək olar 50 hərbçi və 50-dən çox dinc sakin həlak olub...
“Report” TASS-a istinadən xəbər verir ki, bu barədə Suriyada Duşmənçilik edən Tərəflərin Barışığı üzrə Rusiya Mərkəzinin rəhbəri general-mayor Yuri Borenkov bildirib.
“Yanvarın 16-dan hücumlar və döyüşçülərin atəşi nəticəsində Suriya Ərəb Ordusunun 47 hərbçisi həlak olub, 77 hərbi qulluqçuyaralanıb. Son 3 gündə habelə 51 dinc sakin öldürülüb, 116 nəfər isə yaralanıb", - o deyib.
Onun sözlərinə görə, Suriya döyüşçüləri NATO-nun döyüş sursatlarından və silahlarından aktiv istifadə etməyə başlayıblar.O, əlavə edib ki, daha əvvəl qanunsuz silahlı birləşmələr əsasən kustar üsulla hazırlanmış silah-sursatlardan istifadə edirdi.
Borenkov həmçinin əlavə edib ki, hökumət qoşunları yanvarn 16-dan İdlibin deeskalasiya zonasında silahlıların 16 hücumuna məruz qalıb.
pia.az