Romada ictimai nəqliyyat işçiləri tətil edib - Şəhərdə hərəkət iflic olub

İtaliyanın paytaxtı Romada ictimai nəqliyyat işçiləri tətil keçirib.

PİA.az Trend-ə istinadən bildirir ki, bir sutkalıq tətil səhər saatlarında başlayıb.

Aksiyada ictimai nəqliyyat sahəsində bütün həmkarlar təşkilatları iştirak edib. Yerüstü nəqliyyat, metro və şəhərətrafı elektrik qatarlarının hərəkəti tamamilə dayanıb.

Tətil yalnız pik saatlarında dayandırılacaq. Qeyd olunur ki, ictimai nəqliyyat işçiləri iş şəraitinin yaxşılaşdırılmasını tələb edir.

Bundan başqa, İtaliyanın digər şəhərlərində, Milan, Turin, Florensiya və Genuyada müəllim və tələbələrin tədris müəssisələrində təhlükəsizlik şəraitinin yaxşılaşdırılması tələbi ilə etiraz aksiyaları keçiriləcək.

pia.az