Rusiyanın “Dojd” telekanalı "Burada və indi" layihəsi çərçivəsində erməni işğalından azad edilmiş Azərbaycanın Füzuli şəhərinin hazırda necə göründüyünü göstərib.
Virtualaz.org-un məlumatına görə, reportajda jurnalist Vladimir Romenski bildirir ki, ətrafda tutqun mənzərə hökm sürür: hər yerdə dağıdılmış binalar, vurulmuş hərbi texnika, erməni hərbi sursatları atılıb...
Reportajda 1890-cı ildə tikilmiş və dağıdılmış Hacı Ələkbər Məscidinin kadrları var, yalnız divarı qalıb.
Sonra qəbiristanlıq görüntüləri gəlir. "Burada bir çox daşlar məhv edilib, məzarüstü abidələr isə dağıdılıb", - deyə müxbir bildirir.
Tanınmış muğam ifaçısı Ağabala Abdullayevin büst şəklində hazırlanmış qəbirüstü abidəsi yerdədir. Vandallar büstü sındırıb, qəbrin o biri tərəfinə aparıblar. "Ölülərlə mübarizə aparıblar", - reportajın qəhrəmanlarından biri deyir.
pia.az
Digərxəbərlər
Populyar xəbərlər
