Ukraynanın Baş komandanı: Cəbhədə vəziyyət həqiqətən də ağırdır...

Poliqon xəbər verir ki, bunu Ukrayna Silahlı Qüvvələrinin baş komandanı Aleksandr Sırski deyib.

"Cəbhədə vəziyyət həqiqətən də ağırdır. Şübhəsiz ki, hər gün əsgər və zabitlərimizdən maksimum səy tələb edilir. Amma biz təkcə müdafiədə durmuruq, həm də hər gün müxtəlif istiqamətlərdə irəliləyirik. Son zamanlar bərpa etdiyimiz mövqelərin sayı itirilmiş mövqelərin sayından çoxdur. Düşmən strateji istiqamətlərdə ciddi irəliləyiş əldə edə bilmədi, onun ərazi qazanmaları, əgər varsa, taktiki əhəmiyyət kəsb edir. Biz bu vəziyyəti izləyirik", deyə Ukrinform Agentliyi onun sözlərindən sitat gətirir.

Aleksandr Sırski rusların itkilərindən də danışıb:

"Təkcə bu ilin fevral-mart aylarında (martın 26-na olan məlumata görə) düşmən 570-dən çox tankı, 1430-a yaxın zirehli döyüş maşını, 1680-ə yaxın artilleriya sistemi və 64-ə yaxın hava hücumundan müdafiə sistemlərini itirib. Eyni zamanda, Ukrayna Müdafiə Qüvvələri əsas yüksəklikləri və müdafiə zonalarını nəzarətdə saxlamaqda davam edir. Məqsədimiz ərazilərimizin itirilməsinin qarşısını almaq, düşməni mümkün qədər tükəndirmək, ona maksimum itki vermək, hücum hərəkətləri üçün ehtiyatlar formalaşdırmaq və hazırlamaqdır".

Poliqon.info