22 sentyabr 2014-cü il tarixində “Mont İnn” Otelində Azərbaycan Respublikasının Prezidenti Yanında Gənclər Fondunun maliyyə dəstəyi ilə Nərimanov Rayon Gənclər və İdman İdarəsinin və “Yeni Gələcək” Gənclərin Maarifləndirilməsi İctimai Birliyinin birgə təşkilatçılığı ilə gənclər arasında “Güclü təhsil, güclü gənclik, güclü gələcək” adlı layihənin açılış mərasimi və ilk təlimləri keçirilib
Açılışda Azərbaycan Respublikasının Prezidenti Yanında Gənclər Fondunun Layihələr və regionlarla iş sektorunun müdiri Vaqif Seyidbəyov, Bakı Şəhər Gənclər və İdman Baş İdarəsinin rəis müavini Aydın Yusifov, Nərimanov Rayon Gəclər və İdman İdarəsinin rəisi Nəcəf Novruzov və bir neçə qeyri hökümət təşkilatlarının sədrləri iştirak edib, iştirakçıları salamlayıb, layihənin gedişatına uğurlar arzulamışlar.
Seminarın ilk günündə Rövşən Nəcəfovun rəhbərliyi ilə gənclərə “Pr Menecer” və Fəxrəddin Həsənzadənin rəhbərliyi ilə gənclərə “Şəxsi inkişaf” mövzularında təlimlər keçirilmiş, gəncləri maraqlandıran suallar cavablandırılmışdır.